Straumutgiftene har auka med 60 prosent, men verksemda får ikkje ei krone i straumstøtte

Telemark næringshage har på vegner av Seljord kommune og næringslaget i kommunen utarbeidd ein rapport som tek føre seg den føreslåtte straumstøtteordninga for næringslivet.

– Den mellombelse energitilskotsordninga for næringslivet inneheld svakheiter som gjer at store delar av næringslivet i distriktskommunen Seljord fell heilt utanfor ordninga, blir det konkludert med i rapporten.

Ei rekke verksemder vil bli ekskludert som fylgje av reknemetoden som blir bruka, at ein måtte bruke minst tre prosent av omsetjinga på straumutgifter. Verksemder med høg omsetjing, men låg bruttoforteneste vil ikkje nå kravet om straumintensitet.