Vurderer rettslege skritt for å sikre beiteretten – politikarane vil ikkje engasjere seg i konflikten

Sakas kjerne er ein pågåande konflikt mellom Bitdal beitelag og Hovdeneigedomen og retten til streifbeiting.

– Me har diverre observert Bitdal Beitalags sine sauer beitande på vårt terreng i større omfang dei seinare åra. I 2023 har me observert større flokkar på 60–70 dyr samt småflokkar fleire stader på eigedomen. Me opplever også at dyra ikkje blir henta ved førespurnad innan rimeleg tid og at førespurnadene våre om henting ikkje blir fylgd opp, skriv Herman Tank-Nilsen på vegner av grunneigarane på Hovdeneigedomen i eit brev datert oktober 2023.

Han argumenterer for at denne beitinga «ikkje er i tråd med lovverket», og at den har vesentleg negativ innverknad på utnyttinga av jaktressursane på eigedomen, som han skildrar som der «den mest vesentlege nytta og avkastinga på eigedomen, både økonomisk og ikkje-økonomisk», ligg.