44 år blant Nissedals folkevalde

44 år i kommunestyret! Nei, det er ikkje snakk om attvalsjuke i siste stadium, men om ein bladfyk som verkeleg har gjort teneste. Då Nissedal kommunestyre tok pause for å hygge seg med kaffi og blautkake på tampen av eit politisk år, tok ordførar Brynjulv Nordbø ordet og takka Ronald Håkonsen, Vardens medarbeidar, for lang og positiv innsats som kommunestyrereferent. Håkonsen har no gått over i pensjonistanes rekker, men er framleis aktiv etter å ha debutera i Nissedal så tidleg som i 1946, jamvel to år før Egil Homme som den fyrste KrF-representanten i Nissedal tok plass fyrste gongen.