- Alle vinn i Tveitgrendrennet!

Både på vegen og i løypa gjennom skogen dei trefire kilometrane frå Breidalen øvst i grenda og ned til grendehuset yra det med små og store deltakarar. Grenderennet i Tveitgrend er i utgangspunktet eit olympisk tiltak. Her er den olympiske grunnideen framleis intakt, for det viktigaste er å vera med og å fullføre. Så kjem prestasjonen elles i andre - eller tredje - rekkje. Dessutan er det ikkje nok å ha det i beina. Ein må ha det i hovudet og. På vegen frå Breidalen til grendehuset var det lagt inn ti postar, der deltakarane fekk brynt hjernevinningane.