Bekymra over høg fart på bygdeveg

– Me er bekymra for den høge farten enkelte bilistar held gjennom bygda. Her er til dels skilta med 50- og 60-soner, men skilta er gamle og lite iaugefallande. Eitt av skilta har også dutte ned. Me ynskjer så gjerne at desse skilta vert bytt ut med nyare skilt slik at bilistane forhåpentlegvis vert merksame på fartsgrensa. Me skulle gjerne sett at fartsgrensa også vart sett ned ytterlegare då hus og gardstun ligg svært tett opp mot vegen fleire stader. Eitt gardstun går vegen til og med tvers gjennom, står det i meldinga til kommunen.

Vidare blir det nemnt at vegen blir flittig bruka til sykling, trilling og tur.