– Eg skjønar ikkje argumenta

– Eg har vanskeleg for å skjøne argumenta til politimeisteren ved å leggje eit kontor til Kviteseid framfor Seljord. At avstand skal ha noko å seie forstår eg lite av. Det er ikkje nokon raud tråd i det politimeisteren presenterer. For kontoret i Åmot er E134 viktig, men ikkje i Seljord, uttala Haugan i rådsmøtet tysdag.

For med berre to kontor i Vest-Telemark er det nettopp den geografiske inndelinga og avstandane til dei kommunane som ikkje får lensmannskontor som har vore retningsgjevande for politimeisterens tilråding.

– Kviteseid ligg nærare Nissedal, og Åmot grensar mot distriktet i vest. Men dette er ei reell høyring og det er no og fram til 1. desember at innspela må kome, sa politimeister Christine Fossen.