Kviteseid-marken med fint ver og kulde

-Eg var her ein gong det var 37 og med kald trekk frå Sundkilen. Då var det kaldt! Slik det er nå er det bra, seier Odd Lia frå Heddal som byr fram pølser frå både rein, elg og får.

På Kviteseid-marken tidleg på fredags føremiddag har folk fått rigga seg i stand til å ta imot publikum. Enkelte er tidleg ute, men folk flest vil vel helst vente litt til sola har gjeve frå seg meir varme med å reise på marken. På markensplassen finn ein mykje klede og skotøy, pølser av alle slag, musikk og mange boder med alt mogleg skrammel som høyrer med. Viss nokon frys eller er svoltne kan ein få kjøpt varm suppe, varme pølser, varme vaflar og varm drikke fleire stader.

Her finn me Odd Magnussen, nå busett i Stathelle, tidlegare Seljord. I år som tidlegare år er han ute og sel varme klede.