Barn brukar meir tid i barnehagen

(NPK): Stadig fleire av ungane som går i barnehage er der lenger enn 40 timar i veka.

I snitt går ni av ti born full veke i barnehagen, det vil seie over førti timar. Frå 2008 til 2012 har talet på barn som har heiltidsplass gått opp frå 83 til 90 prosent, fortel NRK.

I Oslo er det så mange som 98 prosent av barna i barnehage som har fulltidsplass, medan tala for Oppland i andre enden av skalaen er 72 prosent.

Tala frå Utdanningsdirektoratet viser at talet på ungar som går over førti timar i barnehagen i veka har gått opp 22 prosent dei siste fire åra.