Frå proff til nybyrjar

Fylkeskappleiken samlar det beste innan folkemusikk- og dansemiljøet i Telemark. Men slepper også til dei som skal bere arven vidare.

Den årvisse haustkappleiken på Granvin i Seljord vart innleia fredag med meisterleg konsert av Hauk Buen, Tom Løvli og Ingebjørg Bratland, før Ingvill Marit Buen Garnås fekk opne Fylkeskappleiken med konsert før tevlingane tok til laurdag.

Publikum og dommarpanelet fekk oppleve over 40 ulike innslag innanfor dans, kveding og spel av ymse slag, der av det vart registrert meir enn 70 personar på påmeldingslistene.

Seljord spelemannslag og Kviteseid leikarring, som står bak arrangementet for fjerde året på rad, kunne vere godt nøgde med oppmøtet, for inne i storsalen sat det til ei kvar tid ein konsentrert lyttarskare.

Nye spirer

Mange av deltakarane er kvalifisert i A-klassa, men det er også gledeleg å sjå at rekrutteringa er på plass innanfor folkemusikkmiljøet.

Tri av nykomarane på kappleiksgolvet var Åshild Sveinsson, Kristine Årlid og Ingeborg Charlotte Taraldlien. Dei er alle med i Vinje dansarring, og laurdag fekk dei litt hjelp av Birgit Landsverk på golvet.

– Me var samde om å danse gangar i dag, men jentene hadde meldt seg på både gangar og springar. Dei begynnar å få tak på springaren nå sjølv om det er få månadar sidan dei lærte han, så me prøvar oss, sa Landsverk før dei tri jentene gjorde sitt beste i rekruttklassa, og let nok fleir enn ein publikummar bli sjarmert.

Resultat fylkeskappleiken Seljord

Spel klasse A

Per Anders Buen Garnås, Bøheringen, 135 poeng, 1. premie, Torgeir Straand, Bøheringen, 127 p.,1 pr., Ottar Kåsa, Falkeriset, 123 p., 1. pr.

Spel klasse B

John Olav Lia, Gransherad spel og dansarlag, 111 poeng, 2. premie.

Spel klasse C

Tor Hoslemo, Setesdal spelemannslag, 106 poeng, 2.premie, Gudrun Straand, Bø juniorspelemannslag, 101 p., 2 pr., Sondre Fredrikson, Sørlandet spelemannslag 99 p., 2. pr., Henriette Funner Gjerdjordet, Seljord juniorspelemannslag, 53 p., 3. pr., Anette Skårnes, Seljord juniorspelemannslag, 47. p., 3. pr., Karl Halvor Taraldlien, Vinje spelemannslag, 42 p., 3 pr.

Spel klasse D

Tarjei Romtveit, Vinje spelemannslag, 102 poeng, 2 premie, Hans Straand, Fjellrosa, 82 p., 2.pr.

Spel rekrutt

Tommy Aanestad, Bø juniorspelemannslag.

Lagspel senior

Seljord spelemannslag, 96. poeng, 2. pr., Bøheringen, 96 p., 2. pr.

Lagspel junior

Bø juniorspelemannslag, 89 poeng, 2. pr.

Gruppespel junior

Driv, Bø juniorspelemannslag, 107 poeng, 2. premie, Seljord juniorspelemannslag, 75 p., 2. pr.

Eldre folkemusikkinstrument senior

Jon Elling Buen Garnås, Bøheringen, 129 poeng, 1.premie.

Dans karar klasse A

Johan Vaa, Falkeriset, 197 poeng, 1. premie, Tom Løvli, Småjondølan, 182 p., 1. pr., Hellek Dokka, Kongsberg spel og dansarlag 182 p., 1. pr., Ole Kristian Torjussen, Seljord spelemannslag, 180 p., 1. pr., Tormod Aasland, Vårlengt, 163 p., 2. pr.

Dans karar klasse B

Ivar Strømodden, Nes nasjonale dansarring, 138 poeng, 2. premie, Atle Tjønnås, Bø dansarring 133 p., 2 pr.

Dans karar klasse C

Bjønn Raftevold Rue, Seljord spelemannslag, 140 poeng, 2. premie.

Dans kvende klasse A

Signe Årdalen Tveiti, Vinje dansarring, 199 poeng, 1. premie, Hæge Manheim, Seljord spelemannslag, 193 p., 1. pr., Jorunn M. Torjussen, Seljord spelemannslag, 192 p., 1. pr., Ingebjørg Bø, Bø dansarring, 181 p., 1. pr., Ingeborg Heringstad, Kongsberg spel og dansarring, 175 p., 1. pr., Anita Løvli, Småjondølan, 162 p., 2. pr.

Dans kvende klasse B

Inger Marie Olsen, Bø dansarring, 182 poeng, 1. premie., Gunnvor Strømodden, Nes nasjonale dansarring, 141 p., 2. pr., Karin Briksemyr, Nes nasjonale dansarring, 121 p., 2. pr.

Dans kvende klasse C

Gunn Kristin Aa. Leikvold, Bø juniorspelemannslag, 165 poeng, 2. premie, Mari Moen, Tusseleiken, 144 p., 2. pr.

Lagdans senior

Bø dansarring, 75 poeng, 2. premie.

Lagdans rekrutt

Kristine, Ingeborg, Charlotte og Åshild, Fjellbrusen.

Lausdans klasse A

Tom Løvli, Småjondølene, 100 poeng, 1. premie.

Lausdans klasse C

Bjønn Raftevold Rue, Seljord juniorspelemannslag, 77 poeng, 2. premie, Karl Halvor Taraldlien, Vinje dansarring, 65 p., 2. pr.

Kveding klasse A

Kjell Hovet, Falkeriset, 127 poeng, 1. premie, Ingvill Marit Buen Garnås, Telemark folkemusikklag, 126 p., 1. pr.

Kveding klasse B

Randi Øvrebø Særsland, 111 poeng, 2. premie.

Kveding klasse D

Olav Sem, Fjellrosa, 116 poeng, 1. premie.

Kveding rekrutt

Åshild Svensen, Vinje dansarring, Charlotte Taraldlien, Vinje dansarring, Kristine Årlid, Vinje dansarring.