Dei har køyrd nokre mil saman i løpet av 20 år, karane i E-76. Til no har dei lagt bak seg dei aller fleste kilometrane i Noregs land, men frå onsdag og to veker framover skal dei trø i Elvis og Johnny Cash sine fotspor i Tennessee og Texas.
– Så no toppar me heile driten, seier trommeslagar Oddmund Vågslid.
Då dei skulle spele inn førre plate, «Meir E-stoff», sysla dei med tanken om å gjere det i USA. Men det blei med tanken den gongen.
