MS Norse Variant var bygd i Uddevalla i Sverige i 1965. 22. mars 1973 forliste skipet i eit forrykande uvêr utanfor New Jersey på austkysten av Amerika. Om bord var mellom anna ein 26-åring frå Rauland. 29 av mannskapet på 30 mista livet i forliset.
(Privat foto)
Havet blei hans grav
Arne Romtveit (07.10.1946 – 22.03.1973) frå Rauland var ein av dei som mista livet etter at MS Norse Variant forliste utanfor New Jersey i USA i 1973. Sist torsdag var det nøyaktig 45 år sidan.
Det er morgonen 21. mars 1973, og om bord på M/S Norse Variant gjer mannskapet på 30 seg klare til å forlate hamna i Norfolk Virginia på Amerikas austkyst. For 29 av dei, deriblant ein ung raulending, skulle dette bli livets siste reis.
«– Han står hardt på no karar. Styrbord gangveg er riven vekk. Men det er førebels inga fare på ferde. Signe maten». Sitatet er henta frå boka om den einaste overlevande etter forliset, «Bare én kom tilbake», og dette var beskjeden frå raulendingen og båsen Arne Romtveit til mannskapet som sat i messa morgonen etter at dei hadde gått frå hamna.
Då skipet kasta loss i Norfolk var vêret slik dei var blitt vant til på turane over Atlanterhavet denne vinteren. Vinterstormane herja, men ikkje verre enn at mannskapet etter måten takla det greitt. Derfor var det ingen som reagerte spesielt på meldingane frå vêrvarslinga som sa at det kunne bli vind med storm styrke i området dei komande dagane.
5 veker - 5 kr
Deretter 189 per månad
Inga binding
KJØP
