Morgedalsfirma lågast igjen

Morgedal Entreprenør er i gang med arbeidet på E134 mellom Morgedal og Mostøyl. Då tilboda for det neste delprosjektet, vegen vidare til Høydalsmo, blei opna denne veka, hadde firmaet igjen den lågaste prisen.

Arbeidet på strekninga mellom Morgedal og Mostøyl starta i vår. No ligg Morgedal Entreprenør AS an til å få halde fram på E134 når Mostøyl til Høydalsmo kyrkje skal utbetrast. Tilboda blei opna på Vegvesenets kontor i Arendal onsdag, og viste at Morgedal Entreprenør AS har den lågaste prisen – 63,9 millionar kroner. Firmaa Marthinsen & Duvholt AS og T. Engene AS leverte også tilbod på under 70 millionar kroner.

Det har kome inn totalt 13 tilbod. Det er byggjeleiar Dag Rune Kvålen svært godt fornøgd med. No skal Vegvesenet kontrollrekne. For å få kontrakten skal tilbydarane alltid vera kvalifiserte etter krava som står i utlysinga. Denne vurderinga blir gjort rett etter kontrollrekninga.

Mogleg start for anlegget er planlagt til desember i år. Vegen skal stå ferdig i oktober 2019.

Fyrste del av utbetringane på E134 mellom Seljord og Åmot er alt ferdig. Vegen mellom Raudå bru og Åmot blei offisielt opna i juni.

Anbodskonkurransen for utbetringa av krysset ved bensinstasjonen/næringsområdet i Høydalsmo er framleis open. Fristen for å levere tilbod er 13. oktober.

Les også: 

Morgedalsfirma skal fikse Libergbakkane

Raudå bru–Åmot er opna

«Regjeringa må anten løyve meir pengar eller setje opp bom»

Ikkje pengar til å ruste opp vegen mellom Seljord og Ordal

Tilbod

Morgedal Entreprenør AS                                      63 980 967

Marthinsen & Duvholt AS                                       66 319 294

T. Engene AS                                                         67 084 426,80

Hovden Hytteservice Entreprenør                          70 405 405,58

Carl C. Fon AS                                                       73 288 559,40

Skorve Anlegg AS                                                   78 092 274

Berthelsen & Garpestad AS                                    78 138 809

Br. Thorkildsen AS                                                  78 376 596,21

Telemark Transport & Entreprenørsentral AS          81 447 430

Norwegian Rock Group AS                                     85 061 895

Kåsa & Ringhus Entreprenør AS                             94 055 938

Contexo AS                                                              94 854 000

Oskar og Tormod Wike AS                                      120 486 552