Vesttelen

Namn: Tormod ValebjørgAlder: 43 årBur: I KilegrendKva gjer du: Køyrer søppelbil for Telemark godslinjer

Kva veit du om etternamnet ditt?

– Det er veldig gamalt, og namnet har vore i slekta frå kring 1540. Dei fire Valebjørg-gardane ligg mellom Kilegrend og Fyresdal.

Har du vore i avisa før?

– Ja, for kring ti år sidan hadde Geir Ufs ein sommarprat med meg.

Er du glad i dag – kvifor?

– Ja, eg er sjeldan morgongretten eg, smiler Valebjørg. Klokka har blitt ni på morgonen, og søppelkøyraren har alt vore på jobb i to og ein halv time.

Er det ei hending som representerer eit vendepunkt i livet ditt?

– Etter ei trøblete tid i arbeidslivet har eg no fått tilbod om anna arbeid, altså søppelkøyring.        

Kva lengtar du heimatt til «etter fem år i Amerika»?

– Då er det om å gjera å få koma seg så fort som råd heim til utstikta og staden.

Kven gjorde sist noko for deg som du sette pris på, og kva var det?

– At eg fekk jobb i Telemark godslinjer.

Korleis ser du på heimbygda di?

– Bra der. Fyresdal er ein kommune som får det til.

Har du eit godt sitat eller livsmotto du vil dele?

– Grip dagen.

Har du nokon spesielle interesser eller hobbyar?

– Eg har eit hus som treng reparasjonar, måling og anna vedlikehald.

Korleis er den typiske vesttelen?

– Ein som er sta, eigen og vil gjera ting på enklast mogeleg måte.

Kva vil draumeoverskrifta i Vest-Telemark blad vere i dine augo?

– Nå kjem det nye innbyggjarar til Kilegrend.