100 000 til butikken på Åmdals Verk

Butikken på Åmdals Verk har slite med underskot dei siste åra, og nå tek lokalbutikken nye grep for å klare seg. Dei vil nå bli døgnopen butikk, etter same modell som matbutikken på Hegna i Øvre Bø.

– Eg trur dette er einaste vegen å gå for å overleve for denne type butikk, sa ordførar Jarand Felland (Sp).

Åmdals Verk daglegvare har alt søkt om å få vere med i eit pilotprosjekt for døgnope butikkar. Programmet er godkjent av Norgesgruppen. Døgnopen butikk er open 24 timar i døgnet, 7 dagar i veka, då kunden kjem inn i butikken med eige bankkort.