23 skular får pengar til styrking av skulemiljøet – éin av dei er i Vest-Telemark

I år får 23 kommunar pengar til å styrkje skulemiljøarbeidet sitt.

Interessa for tilskotsordninga er stor, og det har komme inn 137 søknader om tilskot til skulemiljøteam. I år er det sett av 15 millionar kroner, men allereie neste år har regjeringa foreslått at ordninga skal styrkast til 45 millionar kroner.

– Mange skular har utfordringar som det er krevjande å handtere åleine. Ungane våre skal ha det bra på skulen, dårleg skulemiljø går utover både læring og trivsel. Teama skal ta tak i utfordringar i skulemiljøet, men også jobbe førebyggjande, seier kunnskapsminister Kari Nessa Nordtun (Ap) i ei pressemelding.

Skulemiljøteama skal støtte dei kommunale skulane i arbeidet med å utvikle trygge og gode skulemiljø. Kommunar med skular som har særlege utfordringar i skulemiljøet, blir prioriterte i ordninga.

Tilskotet til skulemiljøteam blir utbetalt av Utdanningsdirektoratet 12. desember.

Desse får støtte:

*Engerdal

*Fyresdal

*Hjartdal

*Lavangen

*Lødingen

*Marker

*Meråker

*Nordkapp

*Nordreisa

*Salangen

*Steigen

*Tolga

*Gausdal

*Hareid

*Hole

*Malvik

*Orkland

*Søndre Land

*Vefsn

*Kristiansund

*Levanger

*Lørenskog

*Skien

(©NPK)