2509 kilometer nye snøskuterløyper i Noreg sidan 2015

Det kjem fram i ein rapport laga av Norsk institutt for naturforsking (Nina) i samarbeid med Menon Economics. Rapporten inneheld ei fem års evaluering av effektar av ordninga med kommunale snøskuterløyper. I 2015 endra Stortinget motorferdselslova slik at kommunane fekk mynde til å etablere snøskuterløyper for rekreasjonskøyring.

I rapporten kjem det fram at erfaringane frå to utvalde kommunar, Tydal og Trysil, viser at det er gjennomført grundige og ryddige prosessar ved fastsetting av løyper i tråd med den nye forskrifta, og med eit relativt lågt konfliktnivå.