Bakkemannskap måtte bistå brannhelikopteret: – Det har vore heilt pyton

– Me har bruka helikopter i dag også, men no trur me at me har fått teke den, fortel innsatsleiar Arnt Olav Storkås om skogbrannen og som har herja i Nissedal denne veka.

Spesielt eitt område, mot toppen av fjellet Furenusten, har vore utfordrande å få sløkt.

– Det har vore heilt pyton. Helikopteret har streva med å få vatnet ned til grunnen der det brenn, og me har hatt mannskap på bakken med hakker og krafser som har måtta rydda unna kratt og anna vegetasjon for å gjere tilgangen betre, fortel Storkås.