BankID byter leverandør – varslar nedetid

Torsdag startar flyttinga av BankID-tenestene frå Nets til den nye driftsleverandøren DXC. Denne overgangen vil føre til noko nedetid, opplyser selskapet i ei pressemelding.

Overgangen til ny leverandør skal ikkje påverke brukarane i stor grad, men i ein slik flytteprosess kan uventa ting skje, seier produktansvarlege for BankID Ole Petter Aasen.

– Vi har god kontroll på alle steg, og vi har øvd godt på flytteprosessen saman med bankane og leverandørane. Sjølv om vi ikkje forventar komplikasjonar, har vi valt å varsle alle BankID-brukarane om at det kan bli noko redusert tilgjengelegheit dei neste dagane.