Blei oppmoda om å ta imot 60 flyktningar. Sa ja til 40. – Det er heilt på grensa av det organisasjonen klarer

I vedtaket står det at rådmannen får ansvar for å tilpasse bemanninga og tenestene til den ekstraordinære situasjonen, og rådmannen givast mynde til å vurdere kommunen sin kapasitet fortløpande. Det er ein føresetnad at mottak av flyktningar blir fordelt ut over året. Ved ein vesentleg større flyktningstraum til landet enn forventa i 2023, skal rådmannen fortløpande vurdere om det er mogleg å ta imot fleire flyktningar til Seljord.

Rådmann i Seljord, Rikke Raknes, fekk i desember ei bestilling frå kommunestyret om å legge fram korleis kommunen kan organisere tenestene på ein annan måte enn i dag, og vurdere tiltak.

Rådmannen fortalde formannskapet at ho ikkje hadde hatt god tid til å sjå på alle punkta som blei bedne om.