Brødrepar tente og skatta mest

Brørne, som gjennom sine holdingselskap eig 23 prosent kvar av Alf Johansen AS, hadde inntekter på høvesvis 8 og 6,9 millionar kroner. Eivind Mo (59) fylgjer så med 5,6 millionar kroner.

Roar Johansen er også Seljords største skattytar, og betalte 3,2 millionar kroner til felleskassa. Stian Johansen betalte på si side 2,7 millionar og Mo 2,1 millionar kroner.

Grunnleggjar av verksemda med same namn og far til Roar og Stian, Alf Johansen (77), hadde den tredje største formuen i Seljord i 2022, med 45,5 millionar kroner. Han er også høvesvis nummer fem og seks på inntekts- og skattetoppen.