Bur du i Tokke og studerer til å bli barnehagelærar, verne- eller sjukepleiar? Då vil kommunen gje deg pengar

Kommunestyret i Tokke vedtok tidlegare denne månaden ei tilskotsordning for ungdom under 30 år som er busett i Tokke og som tek utdanning som barnehagelærar, sjuke- eller vernepleiar. Mot at ein bind seg til minimum to års arbeid i kommunen etter ein er ferdig med utdanninga/har fått autorisasjon, kan studentane få 50 000 kroner i kommunalt stipend per år under utdanninga.

Vinje etablerte ei liknande ordning for sjukepleiarstudentar tidlegare i år.

– Talet på eldre er i kraftig vekst, og alt no har me problem med rekruttering av sjukepleiarar og vernepleiarar. Det er stor konkurranse om kompetansen, sa kommunedirektør Finn Arne Askje i innleiinga.