Delte ord som trøystar og varmar

Denne helga held kyrkjene i Vest-Telemark opne sundag, det er høve til å gå innom for å tenne eit lys - og finne trøyst i lyset. Minnast. Det blir også arrangert minnesmesser og konsertar rundt om i kommunane.

Allehelgen blir markert kvart år den fyrste helga i november, og blir også omtala som minnedagen. Det var også av allehelgen ideen om å lage ei samling på Vinjeflaten kom til.

Det var kyrkja i Vinje, ved prostidiakon Eilev Erikstein og digitalformidlar ved Vinjesenteret Line Omland Eilevstjønn som tok initiativ til samlinga med tittelen «Trøsytande ord» i biblioteket på Vinjesenteret laurdag.