Den nye kollektivkontrakten blir nærare 60 prosent dyrare enn før

Auka prisvekst og ei nasjonal forskrift om null-utslepp for store rutebussar gjer at utgiftene skyt i vêret i kollektivsektoren. No må regjeringa vakne og løyve meir pengar, krev Anne-Nora Oma Dahle (Sp), leiar av samferdselsutvalet i Telemark fylkeskommune.

- Alle er samde om at nullutslepp for kollektivtransporten er rett veg å gå, men det må følgje med pengar når regjeringa innfører nye forskrifter, seier politikaren frå Fjone i ei pressemelding.

Fylkespolitikarane i Telemark skal snart ta stilling til ny kollektivkontrakt for området utanfor Grenland. Tilboda som har kome inn ligg nærare 60 prosent over dagens kostnadsnivå. Ny totalpris vil bli på over 200 millionar kroner.