Det er sjeldan at nokon er medlem så lenge som lastebil-Johan 

Noregs lastebileigar-forbund (NLF) region 3 i Buskerud, Vestfold og Telemark hadde årskonferanse på Straand hotel  i Vrådal for nokre helger sidan. 

Regionssjef Roy N. Vetterstad fortel at det blei ein interessant næringspolitisk konferanse der mellom anna Statens vegvesen, politiet og stortingspolitikarar frå transportkomiteen var til stades. 

– Aktuelle problemstillingar lastebilsjåførane møter blei løfta fram, vegstrekkje lastebilnæringa ynskjer ei endring ved som til dømes utfordringar dei har i krysset i Vrådal, det blei diskutert kva som vil skje mot det grøne skiftet innan tungbil og arbeid med tilrettelegging av til dømes fleire døgnkvileplassar for tungtransport på E134, seier regionssjefen.