Dyrsku'n får tre millionar kroner. – Regjeringa har eit mål om å auke sjølvforsyninga av mat, og då treng me auka forståing for matproduksjon

Det er laurdag og Vårmarknad, og utanfor administrasjonsbygget på Dyrskuplassen er det eit yrande liv. Men det vert god stemning inne på møterommet også av gladmeldinga frå landbruksminister Geir Pollestad (Sp).

– Dyrsku'n er ei viktig påminning om at bonden står på ryggen av mange generasjonar med hardt arbeid og i ei tid der stadig færre har ei direkte tilknyting til landbruk og matproduksjon, seier Pollestad, som er til stades digitalt for fortelje om løyvinga.

– Regjeringa har eit mål om å auke sjølvforsyninga av mat, og då treng me auka forståing for matproduksjon. Eg meiner at Dyrsku'n er den fremste formidlingsarenaen for alt dette.