El-båtar til leige på Telemarkskanalen til sommaren

Firmaet Canalboats Telemark har i første omgang bestilt seks cabincruiserar i ulike storleikar, som no er under bygging i Slovenia. Båtane, som legg til kai i Porsgrunn til våren, er laga for å køyre i mange timar før dei treng å lade dersom farten går i rundt 5 knop.

Planen er å etablere ladepunkt heile vegen oppover til Dalen i Tokke, men også nedover langs kysten til Kragerø.

– For oss er det viktig at båtane går på straum. Vi vil at ein skal kunne feriere med godt samvit, seier dagleg leiar Nora Sjögren Johre til NRK.