Fekk fritak frå framsyning om skeiv kjærleik. – Eg synest dette er sjokkerande

– Det var ingen av oss på skulen som hadde tenkt på at dette skulle bli problematisk, seier rektor ved Kviteseid skule, Odd-Arne Thorbjørnsen.

Kvelden før framsyninga fekk han telefon frå fleire foreldre som ynskte at borna deira ikkje skulle delta. Han valde då å sende ut ei melding til alle foreldre på mellomtrinnet, der han informerte om at det hadde kome reaksjonar og at skulen ville leggje til rette for eit alternativt opplegg.

– Det er snakk om 7-8 elevar som ikkje deltok, fortel rektoren.