Felemakaren vil byggje hardingcello – fekk kunstnarstipend

Koronapandemien har vore tøff for kulturlivet, og fylkestinget vedtok derfor i juni å løyve 250 000 kroner til fem ekstra kunstnarstipend i 2021.

Fylkeskommunen melder at det kom inn 66 søknadar, og hovudutval for kultur, folkehelse, tannhelse og idrett i Vestfold og Telemark vedtok at dei fem ekstraordinære kunstnarstipenda skal gå til hardingfelemakar Ottar Kåsa, frå Aarabygdi, men busett i Midt-Telemark, jazzmusikar Hans Mathisen frå Sandefjord, smykkekunstnar Hilde Iren Dølheim frå Bamble, skodespelar Hadle Lavold Reisæter frå Midt-Telemark, og biletkunstnar Christiane Lieungh frå Sandefjord.

Ottar Kåsa skriv i søknaden til det fylkeskommunale kunstnarstipendet at han vil bygge ein hardingcello som kombinerer element frå celloen og hardingfela.