Fleire kommunar sponsar straumrekninga til innbyggjarane

Kraftkommunen Tokke sponsar innbyggjarane sine med 38 øre per kilowattime. Aurland er eit anna døme, der innbyggjarane med fastpris no kan kjøpe 27 øre per kilowattime, skriv Kommunal Rapport.

Fleire kommunar vel å sponse straumrekninga til innbyggjarane i desse kalde vintermånadene. Sirdal gir til dømes 3.000 kroner i tilskot per husstand, medan Valle gir 2.500 per husstand. Bykle bidreg med 3.000 kroner per innbyggjar som er manntalsregistrert per 1. desember. Indre Østfold vil sponse inntil 2.000 husstandar med tilskot til straumrekninga.

Ifølgje avisa Hallingdølen har Ål kommunestyre vedteke at alle straumabonnentar i Ål kraftverk skal få avslag på straumrekninga si på cirka 2.200 kroner i første kvartal neste år.