Fleire vil studere på Rauland

Fredag blei tala frå samordna opptak presentert. Dei viser 81 søkjarar til Universitetet Sør-Aust Noreg si avdeling på Rauland. Det er 6,6 prosent fleire enn i fjor. I løpet av dei siste fem åra har auken på Campus Rauland vore på 113,2 prosent.

Folkekunst har både høgast søkjartal og størst auke i prosent. Bachelor i folkekunst har 16 søkjarar (auke på 12,5 prosent samanlikna med i fjor). Årsstudium i folkekunst har 31 søkjarar (auke på 54,8 prosent).

Musikkfaga opplever ein nedgang i år. Årsstudium i instrumentmaking har 14 søkjarar (ned 57,1 prosent). Årsstudium i folkemusikk har 15 søkjarar (ned 20 prosent). Bachelor i folkemusikk har 5 søkjarar (ned 60 prosent).