Vrak: Flyet ligg no ved stranda i Lårdal. Det er totalvrak, meiner augevitne VTB har snakka med. Foto: Privat.
Flystyrt i Lårdal – sjå video av hendinga
I 11:30-tida laurdag skal eit sjøfly ha styrta i Bandakskanalen nær Lårdal i Tokke. Hendinga skal ha skjedd kort tid etter at flyet tok av.
Det var fint sommarver og mange lokale var på og ved vatnet då flyet styrta. Fleire lokale skal ha tatt seg ut til flyet med båtar umiddelbart etter ulykka. Dei skal ha frakta piloten til land, og slepte også flyet inn til strandkanten.
Piloten skal ha vore i god form, men klaga over vondt i ei skulder. Han skal ha blitt køyrd til legevakta i Åmot.
Politiet hadde ikkje fått melding om hendinga då VTB tok kontakt laurdag kveld. Etter å ha undersøkt saka med AMK, informerer politiet om at piloten vart sendt vidare til sjukehus i 15-tida for rutinemessig observasjon.
5 veker - 5 kr
Deretter 189 per månad
Inga binding
KJØP