For stor risiko til at vegen kan bli opna i Eidsborg

– Risikoen er framleis for stor til at me kan tillata å opna vegen no, med tanke på tryggleiken, seier Ståle Singstad, leiar for Team Bruvedlikehold hjå Vestfold og Telemark fylkeskommune.

Vegen blei stengd førre onsdag, etter at det blei oppdaga setningsskadar i den eine køyrebanen. I etterkant har fylkeskommunen jobba intenst med å finna ei alternativ løysing, då omkøyringa er lang for dei som bur i området.

– Me har prøvd å grave oss inn mot fjellet på sida av vegbanen, for å legga trafikken så langt inn mot fjellsida som mogleg. For å få til dette ser det ut til at me må kome oss enno ein meter lenger inn. Då må me fjerna fjell, det er meir omfattande og vil ta litt tid, seier Singstad.