Formannskapet slår på kameraet igjen

I haust bestemte dei same politikarane at dei ikkje lenger skulle video-overføre formannskapsmøta.

Bjørn Håvard Olsen (Ap) sende i ettertid ein e-post til ordførar og formannskap og bad om at saka vart tatt opp på nytt. Han meinte kommunen var best tent med at innbyggjarane i kommunen kunne følgje med på møta på nett.

Torsdag var saka oppe på nytt. Etter ein kort diskusjon gjekk formannskapet samrøystes inn for å slå på kameraet igjen, og strøyme formannskapsmøta.