«Frykta er at den skal spreie seg slik me ser i USA, der smitten er så omfattande at det døyr fleire dyr i flokken enn det blir fødd»

Mattilsynet og Miljødirektoratet vurderer nå kva tiltak som må på plass, både på kort og lang sikt.

– Det er viktig å understreke at me nå står overfor ein heilt annan situasjon enn då skrantesjuke blei oppdaga i Nordfjella, og at funnet på Hardangervidda krev andre vurderingar. Hovudmålet vårt er å bevare friske norske hjortedyrstammer for framtidige generasjonar, seier Ingunn Midtun Godal, administrerande direktør i Mattilsynet i ei pressemelding.

Mattilsynet og Miljødirektoratet gjennomfører ei rekke strakstiltak for å få oversikt over situasjonen og avgrense spreiing av skrantesjuke.