Gjev sykkel eller datamaskin til studentar som melder flytting til kommunen. Nå kan ordninga bli utvida

Det var i 2018 politikarane i Vinje bestemte seg for å gje eit tilskot på 7000 kroner til kjøp av sykkel dersom studentar i Rauland melde flytting til kommunen. Eitt år etter blei ordninga utvida til at studentane kunne velje mellom tilskot sykkel eller datamaskin. Nå har ein student ved Universitet i Sør-Aust Noreg, på vegner av fleire, spurd kommunen om tilskotet også kan gjelde material som er naudsynt i utdanninga.

– Vi er ein kreativ skule, og mykje av materialet vi bruker i skulearbeidet må vi kjøpe inn sjølv. (…) Mange av oss har allereie ein sykkel eller ein pc, og fell derfor utanfor kriteria for støtta. Vi forstår at dette tilbodet er svært generøst i utgangspunktet, men håper at dykk vil vurdere denne førespurnaden frå oss, skriv studenten i førespurnaden til Vinje kommune.