Grav-avgiftene i kommunen kan bli dobla

I saka som kjem til kommunestyret torsdag blir det føreslege å auke prisen frå 100 til 200 kroner i året. Kommunedirektøren skriv i saka at festeavgifta er låg om ein samanliknar med andre kommunar og at ein derfor kan forsvare ei dobling. 

Festeavgifta for gravplass har ikkje blitt justert sidan 2016. I denne perioden har samla løns- og prisvekst vore på i overkant av 60 prosent desse åra. Kommunedirektøren meiner ein ved å doble festeavgifta nå tek ein høgde for «nokre års løns- og prisvekst». 

I vedlegg til saka kjem det fram at soknerådet i Fyresdal i møtet i november i fjor var samde om å auke frå 100 kroner til 300 kroner. Arbeidsutvalet i kyrkja møttest to veker seinare og rådde då soknrådet til «berre» å doble festeavgifta.