Gunnar er ny jordskifterettsleiar i Øvre Telemark

Gunnar Bjerke Osen er konstituert i stillinga, og skal leie jordskifteretten dei neste seks månadene. Det kan då bli forlenga med nye seks månader. Til nå har ikkje stillinga vore utlyst som fast stilling med høve til uvissa kring domstolsstrukturen.

Osen kjem opphavleg frå Oppdal i Trøndelag, og kom til Øvre Telemark jordskifterett i 1999. Han var fullmektig fram til han vart jordskifterettsdommar i 2002. Osen meiner arbeidet mot samanslåingskreftene held fram.

– Mykje av jobben kjem til å dreie seg om å kjempe for kontoret og domstolen. Sjølv om det siste slaget er vunne, er ikkje krigen mot samanslåinga over. Eg trur ikkje dei som jobbar for samanslåing kjem til å gje opp, seier han.