Har vanskar med å rekruttere fagkompetanse

Vest-Telemark kraflag (VTK) lyste ut stillinga som ansvarleg for IKT (informasjons- og kommunikasjonsteknologi) med søknadsfrist fredag 21. mars. 
– Stillinga er svært sentral for modernisering, effektivisering og utvikling av VTK, stod det å lesa i lysingsteksten. 

No viser det seg at ingen av søkjarane kom krava og behova til kraftlaget i møte, og arbeidsgjevaren kjem difor til å lyse ut stillinga på nytt. Det opplyser konsernsjef Svenn-Erik Rafoss.

– Det er viktig for VTK at me greier å rekruttere fagkompetanse, men det er vanskeleg å få tak i kvalifisert personell, seier han.