– Det er ein heilt forferdeleg situasjon. Å køyre ein slik maskin inn i eit anna land og angripe. Det er ikkje til å tru, seier sokneprest i Vinje, Tor Eivind Erikstein, om Russland sin invasjon av Ukraina.
Saman med kyrkja i Tokke inviterer kyrkja i Vinje til konsert med innsamling til Kirkens Naudhjelp sitt arbeid i Ukraina. Konserten i Vinje kyrkje går av stabelen fyrstkomande fredag, 4. mars, medan det dagen etter blir konsert i Tokke kulturhus.
– Eg trur mange no kjenner på uro. Med dette håpar me folk kan vera med og føle at dei gjer noko, seier soknepresten.
