Johan på hotellet gler seg over turistskatt-avgjerda

– Tydeleg at Senterpartiet har lytta til tilbakemeldingane frå både reiselivsbedrifter og ordførarar i heile landet, og seier nei til regjeringas framlegg om turistskatt, seier Johan Straand i ei pressemelding. 

Som «norsk hotelleigar og engasjert reiselivsperson» deler han ut ein solid dose ros til Senterpartiet. Straand er glad for at partiet viser forståing for behovet for betre modellar og uttesting. 

– Når om lag 80 prosent av Telemarks hotellgjester er nordmenn, og driftsmarginen til bransjen her i fylket er i minus, ville ei overnattingsavgift i praksis blitt einy avgift for norske yrkesreisande og feriegjester og som ville gjort at endå fleire bedrifter ville gått med tap og ville stengt deler av sesongen eller gitt opp drifta, seier Straand, og legg til at den tydelege avvising bidreg i tryggare vilkår for distriktsarbeidsplassane i Telemark.