Klagar på at Kilen grendehus skal bli fritidsbustad

Formannskapet i Kviteseid har tidlegare vedteke bruksendring på Kilen grendehus med von om å kunne selje det som fritidseigedom.

I eit brev til kommunen skriv naboane Arne Larsen og Else Marie Grasholt som til dagleg bur på Nesodden at dei ikkje har fått nabovarsel og at dei ikkje ønskjer at den gamle skulen skal bli fritidseigedom.

– Kilen skule ligg på tomta som Kviteseid kommunen eksproprierte frå vår eigedom i Kilen. Det har stått i aviser at naboane ikkje hadde noko imot ei bruksendring, men korleis kunne vi ha uttalt noko om denne saka utan å ha mottatt nabovarsel eller blitt informert på nokon anna måte, skriv dei.