Kommunane får beskjed om å planleggje oppfriskingsdose til alle over 45 år

Samtidig blir det planlagt vidare for at også alle over 18 år skal få tilbod om dette.

– Det er viktig at kommunane held fram vaksinasjonen med full styrke. Det viktigaste er å gi tredje dose til dei over 65 år, etter det må dei halde fram med dei ned til 45 år. Eg ønskjer å gi kommunane føreseielegheit for at vaksinasjon med tredje dose skal halde fram, slik at dei ikkje byggjer ned kapasitet, seier statsminister Jonas Gahr Støre (Ap).

Alle tilsette i helse- og omsorgstenesta skal tilbydast ein oppfriskingsdose, ikkje berre dei med pasientkontakt.