Glad for stønad: Ingebjørg Nestestog Edland får stønad til Pride-arrangement på Vinjesenteret. Biletet er frå tidlegare i vår, då regjeringa løyvde 1 million til nynorsksatsinga til Vinjesenteret.Øystein Øygarden
Kommunen stør Pride-arrangement i Vinje
– Nylege lesarinnlegg i lokalavisa VTB viser at Pride-markeringa framleis er debattert, og at det er viktig å vise at me stør eit mangfaldig lokalsamfunn, skriv Ingebjørg Nestestog Edland til Vinje kommune.
Nestestog er vertskaps- og programansvarleg ved Vinjesenteret, som no vil stelle i stand Pride-arrangement.
– Nynorsk kultursentrum og Vinjesenteret ønskjer å markere Pride med eit arrangement som tek for seg ulike skeive kulturuttrykk, og for å feire at me trass alt har kome langt.
