Krangel om dyrare nettleige

Etter ein haust med høge straumprisar fryktar fleire organisasjonar at den nye nettleiga som kjem frå nyttår skal gi ein ekstra kostnad for nokre av straumkundane, sjølv om Noregs vassdrags- og energidirektorat har forsikra om at endringane blir små.

– Det å seie at så godt som ingen vil få endra nettleige med dei nye modellane, det er i mi verd umogleg å få til, seier energipolitisk rådgjevar Linda Ørstavik Øberg i organisasjonen Huseierne til E24.

NVE-sjef Kjetil Lund avviser at nettleiga vil auke mykje med det nye systemet. Han peikar på dei langsiktige fordelane med å bruke nettet smartare, og seier at dei fleste nettkundar vil merke små endringar.