Kronprinsparet har planen klar for 50-årsfeiring. Dei dreg ut på fem reiser i Noreg. Ei av reisene går til Vest-Telemark

Kronprins Haakon har bursdag 20. juli og kronprinsessa 19. august.

– Sommaren 2023 fyller kronprinsen og kronprinsessa begge 50 år. Det ønskjer dei å markere ved å løfte fram noko av det dei set aller størst pris på i Noreg, opplyser kongehuset.

Dei neste månadene skal dei besøkje Stord (februar), Setesdal og Telemark (mars), Finnmark (april), Træna (mai) og Oslo (juni).