Lånte bort bilen til ein som fyllekøyrde – slik vart straffa

Mannen var tiltalt for brot på vegtrafikklova paragraf 31 – for å ha latt ein annan bruke ei motorvogn som han eigde eller rådde over på vegner av eigar, utan å vere viss om at personen fyller vilkåra for å køyre den.

Då vesttelen i 20-åra møtte i Telemark tingrett i Kviteseid tidlegare i vår gav han full tilståing i saka.

Hendinga går tilbake til november i fjor. Det var natt til sundag og bilturen var i Vinje. Då let han ein annan person bruke bilen utan å vere viss om at sjåføren fylte vilkåra for å køyre. Sjåføren hadde promille og vart tidlegare i vinter dømt for dette.