Må i retten for måten rådyret blei avliva på

Ein mann i 40-åra frå Vest-Telemark må i august møte i Telemark tingrett tiltalt for brot på dyrevelferdslova og viltlova.

Bakgrunnen er måten han i oktober i fjor avliva eit dyr på under rådyrjakt. Mannen skal ha skote tre skot mot eit rådyr som var i rørsle – utan å treffe dyret med eit døyeleg skot. Han fann rådyret i live liggande på bakken med beina innunder seg, står det i tiltalen der det kjem fram at han då skal ha tatt fram jaktkniven og stukke denne inn i halsen til rådyret.

– Dette medførte at dyret blei utsett for unødig liding, meiner politiet og karakteriserer dette som «grovt å ha utøvet jakt, fangst og fiske på en ikke dyrevelferdsmessig forsvarlig måte».

Politiet viser også til viltlova som mellom anna seier at ein ved skadeskyting er plikta til å gjera det ein kan for å avlive dyret snarast mogleg. Frå tiltalen kjem det fram at politiet meiner eit hovudskot hadde vore den retten måten å avlive dyret på.

Saka går i Telemark tingrett i Kviteseid i august.