Me har spurt vesttelane om dei klarer seg sjølve i ei veke

Ei meir uroleg verd som følgje av klimaendringar, krig og digitale truslar er bakgrunnen for at norske styresmakter i 2024 skjerpa råda om eigenberedskap. Tidlegare var rådet at folk skulle klare seg i minst tre døgn ved ulike kriser. I fjor vart rådet endra til at ein skal kunne klare seg med mat og vatn, lys og varme i ei veke. Korleis står det til med eigenberedskapen i Vest-Telemark?

– Me har både mat og ved

Ekteparet Rita og Magne Aamlid i Sørbygda i Fyresdal har ikkje gjort klar ei eiga beredskapskasse i heimen, men meiner dei skal ha nok mat til å klare seg i sju dagar, slik rådet er frå styresmaktene.