«Me må få på plass eit mykje betre kunnskapsgrunnlag før me set i verk drastiske tiltak. Det er ikkje lenger godt nok å «adoptere» erfaringar frå CWD på hjort i Nord Amerika. Noreg må ta plass i førarsetet når det gjeld kunnskapsbygging om villrein og CWD»

Deltakarar på møtet i Eidfjord var: Villreinnemnda for Hardangerviddaområdet med Endre Lægreid (leiar) og Egil Rønning (sekretær), Villreinnemnda for Nordfjella, Fjellheimen og Raudafjell med Runar Tufto (leiar), Olav J. Bøtun (nestleiar) og Siri W. Bøthun (sekretær), Hardangervidda villreinutval med Henning Poulsson (leiar) og Svein Erik Lund (sekretær), Villreinutvalet for Nordfjella med Sigmund Tveitehagen (leiar) og Harald Skjerdal (sekretær), Raudafjell villreinutval med Odd Ohnstad (leiar) og Lars Nesse, CWD-koordinator for kommunane i Nordfjella.

– Funnet av skrantesjuke på Hardangervidda krev nå alle aktørar i villreinforvaltninga sitt fulle fokus, melder representantane i ei pressemelding.

– Me må få på plass eit mykje betre kunnskapsgrunnlag før me set i verk drastiske tiltak. Det er ikkje lenger godt nok å «adoptere» erfaringar frå CWD på hjort i Nord Amerika. Noreg må ta plass i førarsetet når det gjeld kunnskapsbygging om villrein og CWD, seier Endre Lægreid, leiar for Villreinnemnda på Hardangerviddaområdet.