Medlemstalet i Telemark Mållag aukar

På fylkesårsmøtet vart det slått fast at mållaget, saman med Noregs Mållag, har vunne fleire politiske sigrar det siste året, kjem det fram i ei pressemelding.

Blant dei største framstega er at NRK oppfyller målet om 25 prosent nynorsk, Vipps er tilgjengeleg på nynorsk, og ei ny opplæringslov sikrar at digitale skriveprogram i skulane kjem på begge målformer samtidig, oppsummerte dagleg leiar i Noregs Mållag, Gro Morken Endresen, som var gjest på årsmøtet.

Leiar i Telemark Mållag, Einar Søreide, understrekar at fylkeskommunen må følgje vedtaket om minst 40 prosent nynorsk i offentlege dokument.